21 yaşadək futbolçulardan ibarət Azərbaycan yığması "Antalya Cup” turnirində bu gün üçüncü oyununu keçirib. Sportnet.az-ın məlumatına görə, Albaniyanın U-21 yığması ilə qarşılaşan komandamız qələbə qazanıb – 4:0.
Oyunda hesabı Vüqar Mustafayev açıb. İkinci qolu Azər Salahlı, üçüncünü isə Kamal Mirzəyev vurub. Qarşılaşmanın yekun hesabını müəyyənləşdirən qolun müəllifi Kamran Abdullazadə olub.
Yığmamız turnirdə son oyununu yanvarın 28-də Bakı vaxtı ilə saat 13:00-da Bəhreynin U-20 komandasına qarşı keçirəcək.
13:00. Azərbaycan U-21 - Albaniya U-21 - 4:0
Qollar: Vüqar Mustafayev, 63. Azər Salahlı, 74. Kamal Mirzəyev, 80. Kamran Abdullazadə, 90
Qırmızı vərəqə: Esin Hakay, 65 (Albaniya)
