Bu gün Azərbaycan Futbol Federasiyaları Assosiasiyası (AFFA) ilə Təhsil Nazirliyi arasında Anlaşma Memorandumu imzalanıb. Sportnet.az-ın federasiyanın rəsmi saytına istinadən verdiyi məlumata görə, memorandumu AFFA tərəfindən baş katib Elxan Məmmədov, nazirlikdən isə nazir müavini, AFFA-nın İcraiyyə Komitəsinin üzvü Firudin Qurbanov imzalayıb.
Memorandumun imzalanmasında məqsəd tərəflər arasında 2016-2020-ci illər üzrə əməkdaşlıq istiqamətlərini müəyyənləşdirmək, uşaq və gəncləri sağlam həyat tərzinə cəlb etmək, onların asudə vaxtlarının səmərəli təşkili üçün əlverişli mühit yaratmaq, gənclərin fiziki, əqli, sosial və mənəvi inkişafı üçün əngəl törədən zərərli vərdişlərdən çəkindirmək, ölkənin futbol üzrə milli və olimpiya yığma komandalarına ehtiyat idman qüvvələri hazırlamaq, habelə bir idman növü kimi futbolun inkişaf etdirilməsi, onun keyfiyyətinin və kütləviliyinin artırılmasından ibarətdir.
İmzalanma mərasimdə Təhsil Nazirliyinin, AFFA-nın rəsmi şəxsləri, uşaq-gənclər futbol məktəblərinin direktorları iştirak edibər.
