Qazaxıstan milli komandası Türkiyənin Antalya bölgəsinə təlim-məşq toplanışına yollanıb. Sportnet.az-ın məlumatına görə, qonşu ölkə millisi hazırda Antalyada olan Azərbaycan yığması ilə martın 26-da yoldaşlıq görüşü keçirəcək.
Komanda üzvləri səfər öncəsi Talqat Baysufinov, Nurken Mazbayev, Andrey Ferapontov və Yuri Novikovun rəhbərliyi altında Talqardakı bazada toplaşaraq, bir məşq keçiriblər. Az sonra yeganə legioner - Rusiya "Rostov"unun qapıçısı Stas Pokatilov da heyətə qoşulub. Zədəli hücumçu Tanat Nuserbayevin əvəzinə onun "Astana"dakı həmklubu Aleksey Şetkinə dəvət göndərilib.
Qazaxıstan millisi Antalyaya bu heyətlə üz tutub:
Qapıçılar: David Loriya ("İrtış”), Stas Pokatilov ("Rostov”, Rusiya), Vladimir Plotnikov ("Kayrat”)
Müdafiəçilər: Qafurcan Suyumbayev, Muxtar Muxtarov (hər ikisi "Ordabası”), Dmitri Şomko, Yuri Loqvinenko, Abzal Beysebeyov (hamısı "Astana”), Eldos Əhmədov, Sergey Malıy (hər ikisi "İrtış”), Ermek Kuantayev ("Kayrat”)
Yarımmüdafiəçilər: Samat Smakov ("Aktobe”), Serikjan Mujikov, Asxat Taqıberqen (hər ikisi "Astana”), Jakıp Kojamberdi ("Okjetpes”), İslambek Kuat, Bauırjan İslamxan ("Kayrat”), Maksat Bayjanov ("Şaxtyor”), Ulan Konesbayev ("Atırau”), Timur Dosmaqambetov ("Tobol”), Azat Nurqaliyev ("Ordabası”)
Hücumçular: Aleksey Şetkin ("Astana”), Sergey Xijniçenko ("Tobol”)
Qeyd edək ki, Azərbaycan yığması ilə oyunun ardından rəqib Tbilisiyə uçaraq, martın 29-da Gürcüstanla da yoldaşlıq görüşü keçirəcək.
