"Çətin turnir keçdi, maraqlı oyunlarımız oldu. Uşaqlıqdan arzumuz Avropa çempionu olmaq idi. Şükür ki, buna nail olduq”. Sportnet.az-ın məlumatına görə, bu fikirləri Portuqaliya U-17 yığmasının futbolçusu Dieqo Dalot deyib. Bakıda keçirilən Avropa çempionatında İspaniya ilə final matçında həm oyun, həm də sonra penaltidən qolun vuran müdafiəçi əsas qəhrəmanlardan olub.
Dalot İspaniya ilə finalda əvvəlki kimi güclü təsir bağışlamamalarını belə izah edib: "Çünki rəqib güclü idi. Bərabər oyun gözlənirlirdi. Ona görə öz oyunumuzu göstərə bilmədik. Hesab edirəm ki, ən maraqlı, yaddaqalan matç final görüşü oldu. Portuqaliyadan heç kəs zəng etməmişdi. Ancaq bilirəm ki, hamı bizə görə qürur hiss duyur”.
Futbolçu Bakı təəssüratlarını da bölüşüb: "Bakı gözəl şəhərdir, yaxşı insanları var. Buradan xoş təəssüratla ayrılıram”.
