AFFA yeni mövsümdən FİFA Connect proqramını tətbiq edəcək. Sportnet.az-ın məlumatına görə, proqramın tətbiqi qeydiyyat prosesinin onlayn şəkildə hər bir klub və ya klublara dəstək məqsədi ilə müvəqqəti açılacaq region ofisləri tərəfindən həyata keçirilməsini nəzərdə tutur.
Məhz bu səbəbdən 2016/17-ci il mövsümünə hazırlıqla bağlı oğlanlar, qızlar, həvəskarlar və futzal liqalarındakı komandaların məşqçiləri ilə görüşlər keçiriləcək. Görüşlərin məqsədi FİFA Connect layihəsinin təqdimatı, klub və qeydiyyat aparacaq region ofislərinin funksiyalarının təqdimatı, qeydiyyatın dəqiq vaxtının elan edilməsi, proyektor vasitəsi ilə yeni qeydiyyat bazasının nümayişidir.
