AFFA rəhbərliyi Azərbaycan milli komandasını Avstriyada tək buraxmayıb. Sportnet.az-ın məlumatına görə, qurumun baş katibi Elxan Məmmədov millinin təlim-məşq toplanışının ilk günündən - mayın 23-dən orada iştirak edir.
AFFA İcraiyyə Komitəsinin üvləri olan veteran futbolçular - İsgəndər Cavadovla Vaqif Sadıqov Məmmədovla birgə düşərgədədirlər. Onlar yığmamızın Andorra yığması ilə qolsuz bərabərliklə nəticələnən yoldaşlıq görüşünü stadiondan izləyiblər.
Mənbə: Qol.az
