Avro-2016-nın seçmə mərhələsində Azərbaycan milli komandasının yer aldığı qrupun qalibi olan İtaliya yığmasının final mərhələsində çıxış edəcək heyəti açıqlanıb. Sportnet.az-ın məlumatına görə, baş məşqçi Antonio Kontenin 23 nəfərlik siyahısında "Milan"dan bəzi futbolçuların yoxluğu diqqət çəkib.
Bu, ilk növbədə kapitan Rikardo Montolivo ilə bağlıdır. Təcrübəli yarımmüdafiəçi aldığı zədə üzündən turnirdən kənarda qalacaq. Habelə onun komanda yoldaşı heyətdə yer almayıb. Təcrübəli müdafiəçi David Astori də Fransaya aparılmayacaq. Əvəzində italyanlarda hücumçu sarıdan bolluq var.
Qapıçılar: Canluiji Buffon ("Yuventus"), Federiko Marketti ("Latsio"), Salvatore Siriqu (PSJ, Fransa)
Müdafiəçilər: Andrea Bartsalyi, Leonardo Bonuççi, Corco Kyellini (hamısı "Yuventus"), Matteo Darmian ("Mançester Yunayted", İngiltərə), Ancelo Oqbonna ("Vüst Hem", İngiltərə), Mattia De Şilyo ("Milan")
Yarımmüdafiəçilər: Marko Parolo, Antonio Kandreva (hər ikisi "Latiso"), Daniele DE Rossi, Alessandro Florentsi (hər ikisi "Roma"), Tiaqu Motta (PSJ, Fransa), Srefano Sturaro ("Yuventus"), Emanuele Cakkerini ("Bolonya")
Hücumçular: Eder ("İnter"), Çiro İmmobile ("Torino"), Lorentso İnsinye ("Napoli"), Qratsioano Pelle ("Sautgempton", İngiltərə), Simone Zaza ("Yuventus"), Federiko Bernardeski ("Fiorentina"), Stefan Əl-Şaaravi ("Roma")
Xatırladaq ki, "Skuadra Adzurra" final mərhələsində Belçika, İrlandiya və İsveç yığmaları ilə bir qrupda çıxış edəcək.
