"Qəbələ" qış fasiləsində transfer etdiyi Rəşad Eyubovun xidmətində maraqlıdır. Sportnet.az-ın məlumatına görə, ukraynalı baş məşqçi Roman Qriqorçuk gənc yarımmüdafiəçini komandada saxlayıb.
Pavel Paşayev də qışda "qırmızı-qaralar"a keçib. O da milli komandamızın üzvüdür. Bunlara baxmayaraq, onunla bağlı vəziyyət fərqli olub. Məlum olduğu kimi, "Qəbələ" Paşayevlə başa çatan müqaviləni uzatmayıb.
Eyubov isə komandada çıxışını davam etdirəcək futbolçular sırasında yer alıb. Onun "Qəbələ" ilə müqaviləsi bu ilin sonunda bitəcək. Komandadan yarımmüdafiəçilər Dodo, Aleksey Qay, Samir Zərgərovun gedişi 24 yaşlı yarımmüdafiəçinin əsas heyətdə yerini möhkəmlətməsinə imkan yaradır.
