AVRO-2016-nın favoritlərindən olan Portuqaliya yığması son yoxlama matçını keçirib. Sportnet.az-ın məlumatına görə, Pireney təmsilçisi Estoniya yığması ilə oyunda rəqibini darmadağın edib - 7:0.
Kriştianu Ronaldu ilə Rikardo Kuarejma qarşılaşmada dubl ediblər. Ronaldu Kuarejmanın super ötürməsini qola çevirib. Danilo Pereyra ilə Eder hərəyə 1 dəfə fərqləniblər. Estonların futbolçusu Karol Mets isə avtoqola imza atıb.
"Qəbələ"nin etsoniyalı hücumçusu Sergey Zenyov bu matçda heyətdə olmayıb. Azərbaycan Premyer Liqasında "Neftçi", "İnter" və "Rəvan"da oynamış müdafiəçi Dmitri Kruqlov əsas heyətdə meydana çıxsa da, sonradən əvəzlənib.
Xatırladaq ki, Portuqaliyanın final mərhələsində rəqibləri Albaniya, Avstriya və İslandiya yığmalarıdır.
