"Qəbələ”nin futbol direktoru Toni Adamsın gələcək taleyi hələ müəyyənləşməyib. Klubun baş meneceri Zaur Əzizov Sportnet.az-a açıqlamasında onlardan ayrılmaq ehtimalı olan ingilis mütəxəssisin məsələsinin hələ müzakirə olunmadığını bildirib.
Ötən mövsümün sonunda Adamsın Danimarkanın "Bröndbü” klubunu çalışdırmaq variantı haqda yazılmışdı. "Qəbələ” rəsmisi isə Danimarka mətbuatına açılamasında başqa təkliflərinin də olduğunu və gözlədiyini bildirmişdi.
Əzizovun sözlərinə görə, artıq bu ay məsələyə tam aydınlıq gələcək: "Adamsın klubda qalıb-qalmayacağı dəqiqləşməyib. Onun məsələsi hələ müzakirə olunmayıb. Bu ayın ortasında bəlli olar ki, Adamsla əməkdaşlıq necə olacaq. Onunla işbirliyini hansı şəkildə davam etdirmək məsələsini danışacağıq”.
Qeyd edək ki, Adams 2010-cu ildən "Qəbələ”də çalışır. O, həmin ilin mayından 2011-ci ilin noyabrınadək əass komandanın baş məşqçisi, daha sonra klub prezidentinin müşaviri olub. 50 yaşlı mütəxəssis ötən ildən futbol direktoru vəzifəsində çalışır.
