"Biz açılış matçına hazırıq. Fransa yığmasının hansı hücum xəttinə malik olduğunu başa düşürük. Ancaq bu oyuna nikbin baxırıq". Sportnet.az-ın məlumatına görə, bu fikirləri Rumıniya milli komandasının baş məşqçisi Angel İordanesku bildirib. AVRO-2016-nın açılış matçında sabah Fransa yığması ilə görüşəcək rumınların çalışdırıcısı rəqibin gücünə baxmayaraq müdafiədə problemlərinin olduğunu qeyd edib: "Fransızların oyuna aqressiv başlayacağını, bizim futbolçulara qarşı böyük təzyiqin olacağını gözləyirik. Onlar buna hazırdırlar. Biz sadəcə, müdafiə olunmaq istəmirik. Balanslaşdırılmış futbol göstərmək arzusundayıq. Fransızların müdafiəsində olan müəyyən problemlərdən istifadə etməyə çalışacağıq".
Təcrübəli rumıniyalı mütəxəssis Didye Deşamın komandası ilə başabaş oynamaq istədiklərini söyləyib: "Fransa yığması möhtəşəm heyətə malikdir ki, onun dəyəri yüz minlərlə avrodur. Rəqibin bu turnirin aşkar favoritlərindən biri olması aşkardır".
Xatırladaq ki, Fransa - Rumıniya oyunu Bakı vaxtilə saat 23:00-da "Stad de Frans" stadionunda keçiriləcək.
