Azərbaycan milli komandasının da mübarizə aparacağı 2018-ci il dünya çempionatının seçmə mərhələsində (DÇ-2018) iki qrupda dəyişiklik olub. Sportnet.az-ın məlumatına görə, Kosovo və Cəbəllütariq yığmaları müvafiq olaraq I və H qruplarına daxil ediliblər.
Bununla bağlı qərar UEFA-nın İşçi Qrupunun Parisdə keçirilən fövqəladə iclasında qəbul olunub. Qərarda bildirilir ki, Serbiya ilə Bosniya və Herseqovina yığmaları təhlükəsizlik məsələrinə görə Kosovaya qarşı oynaya bilməyəcəklər. Beləkiklə, kosovalılar I qrupunda yer alan Xorvatiya, Finlandiya, İslandiya, Türkiyə və Ukraynaya rəqib olublar. Cəbəllütariq millisi isə H qrupunda Belçika, Bosniya və Herseqovina, Kipr, Estoniya və Yunanıstanla mübarizə aparacaq.
Xatırladaq ki, bu 2 yığma mayda FİFA və UEFA-ya üzv qəbul olunublar.
