Avropa çempionatı zamanı Türkiyə yığmasını 22 nəfərlik xüsusi polis dəstəsi qoruyacaq. Sportnet.az-ın məlumatına görə, 22 polis zabitindən təşkil olunmuş xüsusi dəstə komandanı qaldığı oteldə, məşq və oyun zamanı mühafizə edəcək.
Bununla yanaşı Fransada Türkiyə millisini qorumaq üçün 10 polis təyin olunub. Nəticədə Fatih Terimin rəhbərlik etdiyi komandanı 32 nəfərdən ibarət polis dəstəsi qoruyacaq.
Qeyd edək ki, D qrupunda mübarizə aparacaq Türkiyə yığması ilk oyununu iyunun 12-də Xorvatiyaya qarşı keçirəcək. İyunun 17-də İspaniya ilə qarşılaşacaq "ay-ulduzlular" 4 gün sonra Çexiya ilə üz-üzə gələcək.
