"Qarabağ"ın Çempionlar Liqasının II təsnifat mərhələsində rəqibi Lüksemburqun "Düdelanj" klubu itki ilə üzləşib. Sportnet.az-ın məlumatına görə, yarımmüdafiəçi Coel Pedro zədələnib.
MRT müayinəsindən sonra 24 yaşlı futbolçunun sağ ayaq sümüyündə sınıq aşkarlanıb və bir ay yaşıl meydanlardan kənarda qalacağı bildirilir.
Bu səbəbdən komandanın baş məşqçisi Dino Topmöller Pedronun adını qitə turnirinin II təsnifat mərhələsinin iştirak ərizəsinə daxil etməyib.
Qeyd edək ki, komandalar arasında ilk oyun iyulun 12-də Bakıda, cavab görüşü isə bir həftə sonra səfərdə keçiriləcək. Bakıda Tofiq Bəhramov adına Respublika Stadionunda keçiriləcək oyunun start fiti saat 21:00-da səslənəcək.
