Bu gün AVRO-2016-da 1/8 final mərhələsinin növbəti 3 oyunu keçirilib. Sportnet.az-ın məlumatına görə, Polşa, Uels, Portuqaliyanın ardınca Fransa, Almaniya və Belçika yığmaları 1/4 finala vəsiqə qazanıblar.
Almaniya və Belçika üçün 1/8 final sınaqları asan olub. Hər halda, bu yığmalar növbəti mərhələyə böyükhesablı qələbələrlə çıxıblar. Yalnız fransızların işi çətin olub. Meydan sahibləri turnirdə ən erkən qolla hesabda geri düşüblər. Fransızlar üçün yenə xilaskar Antuan Qrizmann olub. Gənc hücumçu 3 dəqiqəyə etdiyi dublla yığmasına əzmkar qələbə və 1/4 finala vəsiqə qazandırıb.
Qeyd edək ki, Belçika 1/4 finalda Uelslə görüşəcək. Fransa ilə Almaniya isə rəqiblərini gözləyir. Meydan sahibləri İngiltərə - İslandiya, almanlar İtaliya - İspaniya cütünün güclüsü ilə görüşəcək.
1/8 final mərhələsinin oyunları
26 iyun
17:00. Fransa - İrlandiya - 2:1
Qollar: Antuan Qrizmann, 58; 61 - Robbi Bredi, 2-penalti ilə
Qırmızı vərəqə: Şeyn Daffi, 66 (İrlandiya)
Baş hakim: Nikola Ritsoli
Yan xətt hakimləri: Elenito Di Liberatore, Mauro Tonolini
Əlavə köməkçi-hakimlər: Daniele Orsato, Antonio Damato (hamısı İtaliya)
Dördüncü hakim: Aleksey Kulbakov
Ehtiyat köməkçi-hakim: Vitali Malyutsin (hər ikisi Belarus)
Hakim-inspektor: Bo Karlsson (İsveç)
UEFA nümayəndəsi: Martin Sturkenbum (Hollandiya)
Lion, şəhər stadionu
20:00. Almaniya - Slovakiya - 3:0
Qollar: Jerom Boatenq, 8. Mario Qomes, 43. Yulian Draksler, 63
Vurulmayan penalti: Məsut Özil, 13 (Almaniya)
Baş hakim: Şimon Martsinyak
Yan xətt hakimləri: Pavel Sokolnitski, Tomaş Litskeviç
Əlavə köməkçi-hakimlər: Pavel Raçkovski, Tomaş Musyal (hamısı Polşa)
Dördüncü hakim: Byörn Kuypers
Ehtiyat köməkçi-hakim: Ervin Zeinstra (hər ikisi Hollandiya)
Hakim-inspektor: Devid Ellerey (İngiltərə)
UEFA nümayəndəsi: Adonis Prokopyu (Kipr)
Lill, "Pyer Moro" stadionu
23:00. Macarıstan - Belçika - 0:4
Qollar: Tobi Alderveyreld, 10, Mişel Baçuayi, 78, Eden Azar, 80, Yannik Karrasko, 90+1
Baş hakim: Milorad Majiç
Yan xətt hakimləri: Milovan Ristiç, Dalibor Curceviç
Əlavə köməkçi-hakimlər: Danilo Qruyiç, Nenad Cokiç (hamısı Serbiya)
Dördüncü hakim: Yonas Eriksson
Ehtiyat köməkçi-hakim: Daniel Varnmark (hər ikisi İsveç)
Hakim-inspektor: Yaap Uilenberq (Hollandiya)
UEFA nümayəndəsi: Ales Zavril (Sloveniya)
Tuluza, şəhər stadionu
