İngiltərənin "Liverpul" klubu heyətini daha bir futbolçu ilə gücləndirib. Sportnet.az-ın məlumatına görə, "topçular" "Sautqempton"un seneqallı futbolçusu Sadio Maneni transfer edib.
24 yaşlı hücumçunun transferi təxminən 45 milyon dollara başa gəlib. Tərəflər arasında 5 illik müqavilə imzalanıb.
Mane 2014-cü ildə "Zalsburq"dan transfer edilib və Premyer Liqada çıxdığı 67 oyunda 21 qol vurub.
Qeyd edək ki, "Liverpul" buna qədər almaniyalı qapıçı Loris Karius ("Maynts") və kamerunlu müdafiəçi Joel Matipi ("Şalke") transfer edib.
