Bu gün Çempionlar Liqasında I təsnifat mərhələsinə yekun vurulub. Sportnet.az-ın məlumatına görə, ilk mərhələnin sonuncu - 4-cü qalibi Cəbəllütariqdə bilinib.
UEFA-ya yeni üzv olan bu ölkə tarixi matçın iştirakçısı olaraq, növbəti mərhələdə təmsil olunmasını reallaşdırıb. Yerli "Linkoln" Estoniyanın "Flora" klubuna səfərdə məğlubiyyətin əvəzini çıxa bilib. Bununla da Cəbəllütariq ilk dəfə Avropanın ən nüfuzlu klub turnirində mərhələ keçib.
Çempionlar Liqası, I təsnifat mərhələsi
Cavab oyunu
6 iyul
21:00. "Linkoln" (Cəbəllütariq) - "Flora" (Estoniya) - 2:0
Qollar: Cozef Çipolina, 15-pen, Kalderon, 79
İlk oyun - 1:2
Xatırladaq ki, "Qarabağ"ın da mübarizəyə başlayacağı ÇL-in ikinci təsnifat mərhələsinin oyunları iyulun 12-də başlayacaq.
