Azərbaycanlı futbolçu Ramil Şeydayevin "Zenit”dən gedişinin təfərrüatları məlum olub. Sportnet.az-ın məlumatına görə, Rusiya mətbuatı klubun yollarını ayırdığı 3 futbolçunun, o cümlədən 21 yaşlı hücumçumuzun rəhbərliyə "qiymət oxuduğu”nu yazıb.
Bildirilir ki, "Zenit” futbolçulara daha sərfəli şərtlərlə - məbacibin 4-6 dəfə artırıması müqabilində yeni müqavilə təklif etsə də, qarşı tərəf razılaşmayıb. Gənc futbolçuların tələbi bundan qat-qat çox olub. Sankt-Peterburq klubu bunun futbolçuların oyun səviyyəsi ilə uyğun gəlmədiyi üçün yolları ayırmağı məqsədəuyğun sayıb.
Rus həmkarlarımız Şeydayevin karyerası ilə bağlı yeni variantın olduğunu da yazıblar. Belə ki, futbolçunun Moskva "Spartak”a ilə keçidi ilə bağlı artıq danışıqlar apardığını bildirilir və hətta yaxın günlərdə tərəflərin müqavilə bağlayacağı istisna olunmur.
Xatırladaq "Zenit”in əsas komandasında 5 oyun keçirən Şeydayev Rusiyanın 21 yaşlılardan ibarət yığmasının üzvüdür.
