Azərbaycan Premyer Liqasında mübarizə aparan klubların əvəzedici heyətlərinin yarışında VII turun daha 1 oyunu keçirilib.
Sportnet.az-ın məlumatına görə, "Qəbələ" "Qarabağ"ı qəbul edib. Oyun qonaqların qələbəsi ilə yekunlaşıb. Hər 3 qolu "Qarabağ"ın futbolçuları vurub. Kamran Həsənzadə qapıların yerini səhv salıbsa, Vüqar Nadirovla Nicat Abbasov elə ilk yarıdaca oyunun yekun nəticəsini təmin ediblər.
Nadirov ötən mövsümün ilk yarısında "Qəbələ"də oynayıb və məhz əvəzedicilərdə çıxış edib. O, ötən turda da "Qarabağ"ın heyətində əvəzedicilərdə qol vurub.
Ağdam klubu ilk dövrəni 13 xalla 1-ci pillədə bitirsə də, "İnter"lə şərikli liderdir. Son çempion "Qəbələ" isə 8 xalla turnir cədvəlində 5-ci pillədədir, amma 1 oyun az keçirib.
1 oktyabr
"Qəbələ” - "Qarabağ” - 1:2
Qollar: Kamran Həsənzadə, 18-öz qapısına - Vüqar Nadirov, 25. Nicat Abbasov, 40
30 oktyabr
"Sumqayıt” - AZAL - 3:2
Qollar: Elvin Həbibov, 25. Süleyman Piriyev, 32. Ülvi Süleymanov, 58 - Seyidrəzi Ağayev, 50. Mahsun Qənbərli, 73
29 oktyabr
"İnter” - "Zirə” - 0:1
Qol: Müşfiq İlyasov, 61
Qeyd edək ki, tura sabah "Neftçi" - "Kəpəz" matçı ilə yekun vurulacaq.
