"Kəpəz" klubunun aşağı yaş qrupları üzrə komandalarına yeni baş məşqçi təyinatları rəsmiləşib. Sportnet.az-ın klub saytına istinadən məlumatına görə, Səbuhi Məmmədov U-10 komandasına, Elmar Əhmədov isə U-11 komandasına rəhbərlik edəcək.
Onların hər ikisi Gəncə futbolunun yetirməsidir və müxtəlif vaxtlarda "sarı-göylər"in şərəfini qoruyub.
32 yaşlı Məmmədov "Kəpəz"lə yanaşı, "Ədliyyə", "Qəbələ" və "ABN Bərdə"də çıxış edib. Oynadığı vaxtlarda 21 yaşlılardan ibarət Azərbaycan yığma komandasına dəvət alıb. O, məşqçilik fəaliyyəti dövründə "Şəmkir" və "Mil Muğan" klublarında işləyib.
Əhmədov isə futbolçu karyerası dövründə "Kəpəz", "Tərəqqi", "Samux" və "Şəmkir"in formasını geyinib. Ötən mövsümdən doğma klubunda çalışan gənc mütəxəssis U-17 komandasının məşqçisi olub.
