Almaniyanın məşhur "transfermarkt" saytı Azərbaycan Premyer Liqasının dəyərini açıqlayıb. Sportnet.az-ın məlumatına görə, ölkə çempionatının cari mövsümdəki dəyəri 43.15 milyon avro olaraq qiymətləndirib.
Çempionatın ən bahalı komandası "Qarabağ"dır. Klubun dəyəri 12.85 milyon avrodur. İkinci sırada 9.53 milyon avro ilə "Qəbələ" klubu dayanıb. İlk üçlüyü dəyəri 4.38 milyon avro olan "Neftçi" klubu qapayır. "İnter" isə 4.28 milyon avro ilə 4-cüdür.
Premyer Liqada çıxış edən digər 4 klubun büdcəsi isə 4 milyon avroya çatmır. "Kəpəz" 3.58 milyon avro, "Zirə" 3.53 milyon avro, "Sumqayıt" isə 2.8 milyon avro dəyərləndirilib. Ölkə çempionatının ən az dəyəri olan klubu isə AZAL-dır - 2.25 milyon avro.
