Azərbaycan milli komandasının yer aldığı 2018-ci il dünya çempionatının seçmə qrup mərhələsində rekord qeydə alınıb. Sportnet.az-ın məlumatına görə, Almaniya yığması dünya çempionatının seçmə mərhələlərində ardıcıl 10 oyunda ən azı 3 qol vuran ilk Avropa təmsilçisi olub.
Bu, Bundestimin Çexiya yığmasına evdə 3:0 hesabı ilə qalib gəldiyi matçda reallaşıb. Son dünya çempionu bundan öncə həmin hesabla Norveç yığmasını səfərdə məğlub edib. Yoahim Lövün komandasının növbəti rəqibi oktyabrın 11-də Şimali İrlandiya millisi olacaq.
