Türkiyə yığması 2018-ci il dünya çempionatının seçmə mərhələsində ciddi itki ilə üzləşib. Sportnet.az-ın məlumatına görə, "ay-ulduzlular"ın liderlərindən olan Əmrə Mor cəzalanıb.
Gənc yarımmüdafiəçinin İslandiya yığması ilə hazırda davam edən matçda aldığı sarı vərəqə onun üçün cari seçmə mərhələdə 2-ci olub. Nəticədə Mor cəzalı duruma düşüb. Bununla da türklər 0:2 hesabı ilə uduzduqları səfər oyununda növbəti zərbəni alıb. Mor qrupda 4-cü turun noyabrın 11-də keçiriləcək Kosova yığması ilə ev oyununu buraxmalı olacaq.
