"Qarabağ"ın futbolçusu Əfran İsmayılov 1 aydan sonra yaşıl meydana qayıdacaq. Bu haqda Sportnet.az-a komandanın baş məşqçisi Qurban Qurbanov məlumat verib.
Onun sözlərinə görə, millimizin də üzvü olan yarımmüdafiəçinin zədəsini sağalması gözləniləndən bir az uzun çəkəcək: "Əfranın sağalma tarixi kimi üç həftə demişdilər. Hələ həkim müayinəsində olur. Dünəndən fərdi məşqlərə başlayıb. Yəqin ki, sabahdan qaçışlara başlayacaq və qaydışı bir ay çəkəcək".
Xatırladaq ki, İsmayılov Azərbaycan Premyer Liqasının VI turunda sentyabrın 25-də keçirilən "Kəpəz"lə səfər oyunundan sonra sıradan çıxıb.
