DÇ-2018-in seçmə mərəhələsində Çexiya ilə qarşılaşacaq milli komandamızın start heyəti açıqlanıb.
Sportnet.az-ın məlumatına görə, komandamızın baş məşqçisi Robert Prosineçki mətbuat konfransında ilk dəqiqələrdən meydana çıxacaq futbolçuları elan edib.
Bunlar Kamran Ağayev
Məhəmməd Mirzəbəyov, Rəşad Sadıqov, Maksim Medvedev, Arif Daşdəmirov
Qara Qarayev, Rahid Əmirquliyev, Dmitri Nazarov, Namiq Ələsgərov, Ramil Şeydayev və Ruslan Qurbanovdur. Zədəsi olan Rəşadın oynayıb-oynamayacağı sabah dəqiqləşəcək. Əks halda, onu Bədavi Hüseynov əvəzləyəcək.
Prosineçki Norveçlə oyunla müqayisədə əsas heyətdə iki dəyişiklik edib. Ağabala Ramazanovu yarımmüdafiənin sağ cinahında Namiq Ələsgərov əvəzləyəcək. Eddi İsrafilovu ehtiyatda saxlayan xorvatiyalı mütəxəssis iki hücumçu - Ramil Şeydayev və Ruslan Qurbanovla oynayacaq. Ruslanın hücuma soldan dəstək verməsi nəzərdə tutulub.
