Futbol üzrə 2018-ci il dünya çempionatının seçmə qrup mərhələsində Azərbaycanın rəqibi olan San Marino yığması tarixi qolunu vurub.
Sportnet.az-ın məlumatına görə, C qrupunda mübarizə aparan "cırtdan ölkə" komandası 15 il sonra yenidən dünya çempionatının seçmə qrup mərhələsinin səfər görüşündə fərqlənib. Bu, oktyabrın 11-də Norveçlə səfər oyununa təsadüf edib. 54-cü dəqiqədə Mattia Stafenelli komandasının yeganə qolunun müəllifi olub.
Cari mövsümün ilk oyununda evdə Azərbaycana 0:1 hesabı ilə məğlub olan San Marino yığması mundialda sonuncu səfər qolunu DÇ-2002-nin seçmə qrup mərhələsində aprelin 25-də Latviyaya vurub.
Qeyd edək ki, San Marino dünya çempionatının seçmə mərhələləri tarixində ilk qolunu 1992-ci ildə Türkiyəyə vurub.
