Futbol üzrə Norveç milli komandasının baş məşqçisi Per-Matias Hoqmo istefaya göndərilə bilər. Sportnet.az-ın Şotlandiya mətbuatına istinadən məlumatına görə, bu vəzifəyə "Seltik"in sabiq baş məşqçisi Ronni Deylanın gətirilmə variantı müzakirə olunur.
Deyla Qlazqo komandasını ötən mövsümün sonunda tərk edib. O, "Seltik"lə Şotlandiya çempionluğu və ölkə kubokunu qazansa da, Avropa Liqasında uğursuzluğa düçar olub. "Zolaqlılar" Çempionlar Liqasının III təsnifat mərhələsində "Qarabağ"ı mübarizədən kənarsa da (1:0, 0:0), "pley-off"da İsveç "Malmö"sünə iki oyunun nəticəsində uduzub - 3:2, 0:2. Avropa Liqasında isə "Seltik" qrup mərhələsini dəf edə bilməyib.
Deylanın yanvarda Norveçin "Volerenqa" komandasının sükanı arxasına keçəcəyi də bildirilir.
Qeyd edək ki, Norveç yığması Azərbaycanla eyni - C qrupunda mübarizə aparır. Norveç 3 oyundan 3 xal toplayaraq qrupda 4-cü pillədə qərarlaşıb. Norveç qrupun ikinci oyununda millimizə Bakıda 0:1 hesabı ilə məğlub olub.
