"Qəbələ"nin estoniyalı legioneri Sergey Zenyov cari çempionatda qol hesabını açıb. Sportnet.az-ın məlumatına görə, milli komandasının da üzvü olan 27 yaşlı hücumçu bunu VIII turda "İnter"lə səfər matçının 69-cu dəqiqəsində hesabı bərabərləşdirməklə reallaşdırıb. Özü də Zenyov 46-ci dəqiqədə meydana daxil olaraq fərqlənib.
Zenyov Premyer Liqada sonuncu dəfə 7 ay öncə - martın 19-da XXVI turda "Qarabağ"a evdə 1:2 hesabı ilə uduzduqları matçın 17-ci dəqiqəsində hesabı 1:1 etməklə qol vurmuşdu. Maraqlıdır ki, Sergey ötən çempionatda hər 2 qolunu məhz "Qarabağ"a vurub. O, Azərbaycan Premyer Liqasında debütünü fərləqnməklə qeyd etsə də, sonradan uzun müddət buna nail olmayıb. Kubokda fərqlənə bilməyən hücumçu ötən çempionatda 26 qarşılaşmada cəmi 2 dəfə rəqib qapısına yol tapıb. Zenyovun "Qarabağ"a hər 2 qolunu Qəbələdə vurdğunu nəzərə alsaq, səfərdə ilk dəfə fərqlənib O, Azərbaycanda yalnız 2-ci klubu cəzalandıra bilib.
Sergey daha az oyun keçirdiyi Avropa Liqasında isə məhsuldardır. Təsadüfi deyil ki, o, bu turnirdə vurduğu 6 qolla "Qəbələ"nin avrokuboklarda bombardiridir. Göründüyü kimi, Zenyov çempionatda özünə bənzəmir. Legioner qitəmiqyaslı turnirdə bu yay 4 dəfə rəqib qapısına yol tapıdığını nəzərə aldaq, cari mövsümdə 5-ci qoluna imza atıb.
Bu göstəricidə "qırmızı-qaralar"da lider isə Zenyovun fransalı komanda yoldaşı Baqali Dabodur - 10 qol. 28 yaşlı hücumçu Premyer Liqamızda vurduğu 7 qolla bombardirdirsə, Avropa Liqasında 3 dəfə fərqlənib.
