Türkiyənin "Gənclərbirliyi" klubu "Qarabağ"ın futbolçusu Reynaldonu icarəyə götürəcək.
Sportnet.az-ın "Ajansspor"a istinadən məlumatına görə, braziliyalı hücumçunun keçidi yaxın günlərdə həllini tapacaq. Komandanın baş məşqçisi Ümit Özatın istəyilə heyətini hücumçu ilə gücləndirmək niyyətində olan Ankara təmsilçisi məhz Reynaldonu hədəfə alıb. 27 yaşlı forvard bu mövsüm "Qarabağ"ın heyətində 21 oyuna 6 qol vurub. O, matçlardan 14-nə əsas heyətdə çıxıb.
Qeyd edək ki, "Gənclərbirliyi" Türkiyə Super Liqasında 16 turdan sonra 22 xalla 8-ci pillədə qərarlaşıb.
