"Neftçi" futbol komandasının yeni kapitanı müəyyənləşib. Sportnet.az-ın məlumatına görə, bu, yeni transfer Ruslan Abışovdur.
Abışov kapitan statusunda ilk olaraq, komandasını yanvarın 15-də Türkiyənin Antalya bölgəsində Albaniyanın "Kukesi" klubu ilə yoxlama görüşünə çıxarıb. Görüş "Kukesi"nin qələbəsi ilə yekunlaşıb - 4:2.
Qeyd edək ki, mövsümün ilk yarısında "Neftçi"nin kapitanı Araz Abdullayev olub. Abdullayev qış fasiləsində "Qəbələ"yə yollandıqdan sonra sarğı Türkiyə "Sivasspor"na qarşı görüşdə Rəhman Hacıyevə, Özbəskistan "Nasaf"ı ilə qarşılaşmada isə Cavid İmamverdiyevə verilib. Amma "Nasaf"la qarşılaşmada həm Hacıyev, həm də İmamverdiyev start heyətində yer alıb. "Sivasspor"la matçda isə İmamverdiyev ilk "11-lik"də olmayıb.
