Türkiyənin Antalya bölgəsində təlim-məşq toplanışında olan "Qəbələ" komandası bu gün növbəti yoxlama matçına çıxıb. Sportnet.az-ın məlumatına görə, rəqib Rumıniya "Qaz Metan"ı olub.
Görüş "Qəbələ"nin qələbəsi ilə yekunlaşıb - 1:0. Yeganə qolu 30-cu dəqiqədə Filip Ozobiç vurub.
Baş məşqçi Roman Qriqorçuk start heyətində aşağıdakı "11-liy”ə şans verib: Dmitri Bezotosnı, Rikardinyo, Vojislav Stankoviç, Tellur Mütəllimov, Ürfan Abbasov, Nika Kvekveskiri, Rəşad Sadiqov (k), Cavid Hüseynov, Filip Ozobiç, Ruslan Qurbanov, Sergey Zenyov.
Oyunun gedişində Roman Hüseynov, Rafael Santos, Araz Abdullayev, Teo Uiks, Rəşad Eyubov, Asif Məmmədov, Hacıağa Hacıyev də meydana çıxıblar.
