"Qarabağ"ın braziliyalı sabiq futbolçusu Reynaldo Silvanın "Adanaspor"a keçidinin əsas səbəblərindən biri müəyyənləşib. Sportnet.az-ın məlumatına görə, 28 yaşlı hücumçu yeni klubunda xeyli həmyerlisi ilə birgə çıxış edəcək.
Türkiyə Super Liqası təmsilçisində 7 braziliyalı futbolçu oynayır. Bunlar müdafiəçilər Maurisio Ramos, Rodriqo Lonqo Freytas, Vinisius Joze İqnasio, Renan Diniz, mərkəz yarımmüdafiəçisi Renan Foquinyo, cinah yarımmüdafiəçisi Roni və hücumçu Edqar Bruno da Silvadır. Bunlardan yalnız Roni "Adanaspor"da icarədədir, Braziliyanın "San Pulo" klubundan icarəyə götürülüb. Qalanları isə müqavilə Adana klubunun futbolçularıdır. Silvanı yeni klubunda əsas heyətə düşmək uğrunda məhz həmsoyadı və Roni ilə rəqabət gözləyir.
Reynaldonun həmyerliləri 2015-2016-cı ildən "Adanaspor"un şərəfini qoruyurlar.
Xatırladaq ki, Silva "Qarabağ"da çıxış etdiyi 4 ildə çoxlu həmyerlisi ilə birgə oynasa da, eyni vaxtda bu qədər braziliyalı komanda yoldaşı olmayıb.
