"Kəpəz" azarkeşləri komandanın baş məşqçisi Şahin Diniyevə dəstək olublar.
Sportnet.az-ın məlumatına görə, bir qrup gəncəli fanat komandanın "Sumqayıt"a 1:3 hesabı ilə uduzduğu Azərbaycan Premyer Liqasının XVII tur matçından sonra Diniyevlə klubun Müşahidə Şurasının üzvü Mikayıl Quliyevi əhatəyə alıb.
Azarkeşlər onlara "Kəpəz"in gələcəyi ilə bağlı suallar ünvanlayıblar. Quliyevlə Diniyev nikbin fikirlər səsləndiriblər. Bundan sonra tərəfdarlar hazırkı baş məşqçinin arxasında olduqlarını söyləyərək, onu alqışlarla yola salıblar.
