Bakı "İnter"inin baş məşqçisi Zaur Svanadze Azərbaycan Premyer Liqasında XIX turun "Qəbələ" - "Qarabağ" (2:0) matçına baxmayıb. Bu barədə Sportnet.az-a gürcüstanlı mütəxəssisin özü açıqlama verib.
Svanadze matçın keçirildiyi vaxt vətənində olmasını səbəb göstərib: "Fevralın 18-də "Zirə" ilə oynadığımız qarşılaşmadan sonra Gürcüstana yollandım. Yolda olduğumdan, ertəsi gün Qəbələdə keçirilmiş görüşə baxa bilmədim. Amma oyunun videoyazısını izləyib təhlillər aparacağam".
Qeyd edək ki, "Qəbələ" və "Qarabağ" "İnter"in çempionluq yolundakı əsas rəqibləri sayılır. Zaur Svanadzenin komandası onlardan 9 xal geridə qalır. "İnter" fevralın 28-də səfərdə "Qarabağ"la, martın 4-də isə evdə "Qəbələ" ilə üz-üzə gələcək.
