İngiltərənin "Stok Siti" klubunun futbolçusu Piter Krauç Azərbaycan milli komandasının sabiq baş məşqçisi Robert Prosineçki haqda maraqlı fikirlər söyləyib.
Sportnet.az-ın məlumatına görə, "FourFourTwo Magazine" nəşrinə müsahibəsində 36 yaşlı hücumçu siqaret çəkən futbolçulardan danışıb. İngiltərə millisinin sabiq üzvü Prosineçkinin də bu cür futbolçulardan olduğunu qeyd edib: "2001–2002 mövsümündə "Portsmut”un heyətində Prosineçki ilə birlikdə oynamışam. O, "Real Madrid" və "Barselona" kimi böyük klublarda çıxış etsə də pis vərdişi var idi. Prosineçki hamını siqaret çəkməsi ilə təəccübləndirirdi. Oyundan əvvəl, duş qəbul edərkən və oyundan sonra qırmızı "Marlboro"su onun yanında olurdu".
