Azərbaycan millisinin futbolçusu Rauf Əliyev Albaniyanın "Kukesi" klubu ilə yollarını ayırıb. Sportnet.az-ın "Panorama sport"a istinadən məlumatına görə, 28 yaşlı hücumçu səbəb kimi ünsiyyət problemini göstərib.
O, türkcə danışa bildiyi halda, klubda bu dili bilən olmayıb. Ayda 9000 dollar maaş alan Əliyevin "Kukesi" ilə maliyyə məsələlərindən heç bir problemi olmayıb. O, öz təşəbbüsü ilə komandadan getməyi və karyerasını Azərbaycanda davam etdirməyi üstün tutub.
Qeyd edək ki, Rauf Əliyev "Kukesi" ilə cari mövsümün əvvəllərində 1 illik müqavilə bağlayıb.
