"Barselona"nın və Braziliya millisinin sabiq futbolçusu Rivaldo mətbuata açıqlamasında maraqlı fikirlər söyləyib.
Sportnet.az-ın məlmatına görə, o, argentinalı ulduz futbolçu Messi ilə birlikdə oynamaq istədiyini deyib:
"Messi dünyanın ən yaxşı futbolçusudur. Ancaq Ronaldu "Qızıl top"u haqq etdi. Messi ilə birlikdə oynamaq istərdim. Bu möhtəşəm olardı. Mənim oynadığım vaxt Fiqo, Totti, Del Piero kimi yüksək səviyyədə çıxış edən futbolçular çox idi. İndi isə Messi və Ronaldu digər futbolçulardan fərqli səviyyədədir. İndi oynasaydım onlarla yarışardım. Çünki bizim vaxtımızda futbol daha çətin idi".
Qeyd edək ki, Rivaldo 1999-cu ildə "Qızıl top" qazanıb. O, 1997-2002 illərrində "Barselona"da çıxış edib və 2002-ci ildə Braziliya millisinin heyətində dünya çempionu olub.
