İngiltərənin "Liverpul" klubunun yeni transferi Vircil van Deyk oyun formasına soyadını yazdırmamağı qərara alıb.
Sportnet.az-ın "Mirror"a istinadən məlumatına görə, səbəb 26 yaşlı müdafiəçinin atası ilə münasibətlərinin pis olmasıdır. Bildirilir ki, hollandiyalı oyunçunun atası onun anasını və 3 uşağının tərbiyəsində iştirak etməyib. Bununla əlaqədar o, öz formasında atasını adı həkk olunmağa layq saymayıb.
Qeyd edək ki, Vircil van Deyk "Liverpul"a "Sautgempton"dan 75 milyon funt sterlinqə (84,5 milyon avro) keçib. O, tarixdə ən bahalı müdafiəçiyə çevrilib.
