"Qarabağ"ın sabiq futbolçusu Samuel Armenteros karyerasını yenidən Hollandiyada davam etdirə bilər.
Sportnet.az-ın məlumatına görə, "Utrext" 27 yaşlı futbolçunu heyətinə cəlb etməyi planlaşdırır. Hücumçu hazırda İtaliyanın "Benevento" klubunda çıxış edir.
O, cari mövsüm İtaliya çempionatında 9 qarşılaşmada meydanda olub. Armenteros yalnız 1 oyunda 90 dəqiqə oynaya bilib. İsveçli hücumçunun şəxsi məsələlərlə əlaqədar Hollandiyaya qayıtmaq istədiyi bildirilir.
Qeyd edək ki, hücumçu 2015-2016 mövsümündə "Qarabağ"da çıxış edib.
Xatırladaq ki, Armenteros Hollandiyanın "Herrenven", "Herakles" və "Villem II" klubunda çıxış edib
