İngiltərə Premyer Liqasının 23-cü turunun son matçında "Manşester Yunayted" klubu doğma meydanda "Stok Siti" ilə qarşılaşıb.
Sportnet.az-ın məlumatına görə, matç meydan sahiblərinin 3:0 hesablı qələbəsi ilə başa çatıb. Hesab görüşün 9-cu dəqiqəsində açılıb. Meydan sahiblərinin heyətində Antonio Valensiya fərqlənib.
Qarşılaşmanın 38-ci dəqiqəsində isə Antoni Marsyal ikinci qolu vurub. Matçın 72-ci dəqiqəsində belçikalı hücumçu Romelu Lukaku fərqi 3 topa çatdırıb.
Qeyd edək ki, bu qələbədən sonra "Mançester Yunayted" xallarının sayını 50-ə çatdırmaqla ikinci pillədəki mövqeyini qoruyub. "Qırmızı şeytanlar"ı lider "Mançester Siti"dən 12 xal ayırır.
