İspaniyanın "Barselona" klubu 7 nömrəli formanı Antuan Qrizmann üçün saxlayır.
Spornet.az-ın "Sport.es"ə istinadən verdiyi məlumata görə, Kataloniya təmsilçisi hazırda İspaniya "Atletiko"sunda çıxış edən fransalı hücumçunu bu il heyətinə qatmağa çalışacaq.
Arda Turanın Türkiyə "Başakşehir"inə icarəyə verilməsindən sonra 7 nömrəli formanı yeni transfer Filippe Koutinyonun geyinəcəyi gözlənilirdi. Lakin braziliyalı futbolçu 14 nömrəli forma ilə çıxış edəsi olub.
Qeyd edək ki, Antuan Qrizmannın təzminat məbləği 100 milyon avrodur.
