İspaniya La Liqasının 20-ci turunda "Real Madrid" klubu doğma azarkeşlər önündə "Deportivo" ilə üz-üzə gəlib. Sportnet.az-ın məlumatına görə, qarşılaşmda Madrid klubunun 7:1 hesablı qələbəsi ilə başa çatıb. Görüşdə hesabı qonaqlar açıb.
Adrian Lopez 23-cü dəqiqədə fərqlənib. 32-ci dəqiqədə Naço Fernandes bərabərlik qolunu vurub. Qaret Beyl 42 və 58-ci dəqiqədə fərqlənməklə komandasını rahatladıb. Luka Modriç görüşün 68-ci dəqiqəsində fərqi 3 topa çatdırıb.
"Real Madrid" klubunun ulduz futbolçusu Kristinanu Ronaldu 78 və 84-cü dəqiqədə fərqlənməklə darmadağında pay sahibi olub. Qarşılaşmada son nöqtəni isə Naço Fernandes qoyub. O, 88-ci dəqiqədə özünün ikinci, komandasının isə 7-ci qoluna imza atıb.
