Azərbaycan milli komandasının və "Keşlə" klubunun qapıçısı Kamran Ağayev Türkiyənin Antalya bölgəsində yenidən diqqət mərkəzinə düşüb.
Sportnet.az-ın məlumatına görə, 32 yaşlı qolkiper Rusiya "Yenisey"i ilə hazırda davam edən yoxlama matçına komandanın digər çərçivə qoruyucusu Orxan Sadıqlının forması ilə çıxıb.
Kapitan sarğısını daşıyan Ağayevin qarşılaşmadan əvvəl hakimlərlə görüşdüyü vaxt əyninə arxasında Sadıqlının soyadı yazılmış formanı geyindiyi müəyyənləşib.
Qeyd edək ki, Kamran Ağayev daha əvvəl "Keşlə"nin məşqinə qapıçılarla işləyən məşqçi Cəmaləddin Əliyevin geyimində çıxıb.
