Qış fasiləsindən sonra ilk oyununu Azərbaycan Premyer Liqasının XV turunda "Qəbələ”yə qarşı keçirəcək "Qarabağ” futbol komandası məşqlərə start verib.
Sportnet.az xəbər verir ki, bu gün klub bazasında baş tutan hazırlıq prosesində 4 futbolçu zədə üzündən iştirak edə bilməyib. Bunlar qapıçı Şahrudin Məhəmmədəliyev, yarımmüdafiəçilər Əfran İsmayılov, Qara Qarayev və Miçel Madeyradır.
Məhəmmədəliyev qabırğasından xəsarət aldığı üçün hazırlıq prosesindən kənar qalıb. İsmayılova millinin Moldova yığması ilə yoxlama matçında qasıq nayihəsindən aldığı zədə mane olduğu halda, Qarayevin ayağında ağrılar, Miçelin baldır əzələsində problem var. Sözügedən "dördlüy"ün Qəbələ təmsilçisi ilə görüşdə iştirakı sual altındadır. Uzun müddətdir zədəli olan Bədavi Hüseynov isə müalicəsini davam etdirir.
Qeyd edək ki, fevralın 10-da "Azərsun Arena"da keçiriləcək "Qarabağ” – "Qəbələ” görüşü saat 19:00-da start götürəcək.
