Almaniyanın "Bavariya" klubunun ulduz futbolçusu Aryen Robben karyerasını Qətərdə davam etdirəcək.
Sportnet.az-ın "Reuters"ə istinadən verdiyi məlumata görə, təcrübəli futbolçu yeni mövsümdən etibarən Bülent Uyqunun baş məşqçilik etdiyi Əl-Qarafa-da çıxış edəcək. Robbenin bu komandaya keçidində "Qalatasaray"ın sabiq yarımmüdafiəçisi Uesli Sneyderin də rolu olub.
Qeyd edək ki, Aryen Robbenin "Bavariya" ilə müqaviləsi mövsümün sonunda başa çatır.
Xatırladaq ki, hollandiyalı hücumçu açıqlamasında ABŞ və Asiya qitəsindən gələn təklifləri dəyərləndirə biləcəyini söyləyib.
