İspaniyanın "Real Madrid" klubunun sabiq baş məşqçisi Zinəddin Zidan İtaliya "Yuventus"unun idman direktoru olacaq.
Sportnet.az Mundo Deportivoya istinadən xəbər verir ki, 46 yaşlı mütəxəssisin İtaliya klubuna oktyabr ayında qatılacağı gözlənilir.
Xatırladaq ki, Madrid klubunun portuqaliyalı hücumçusu Kriştianu Ronaldu da bu ay "Yuventus"a keçib.
Qeyd edək ki, Zidan "Real Madrid"in baş məşqçisi postunu mayın 31-də öz istəyi ilə tərk edib. O, "Real Madrid"lə üç dəfə Çempionlar Liqasının, iki dəfə UEFA Superkubokunun, iki dəfə Klublararası Dünya Çempionatının, bir dəfə İspaniya çempionatının və İspaniya Superkubokunun qalibi olub.
