"Qəbələ” Topaz Premyer Liqasında 2018/2019 mövsümünün ilk tur hazırlığına start verib.
Sportnet.az-ın məlumatına görə, "qırmızı-qaralar” "Səbail”lə avqustun 12-də keçiriləcək qarşılaşmaya Bakıda hazırlaşır. Avqustun 4-də yoxlama oyununda "Keşlə”ni 2:0 hesabı ilə yendikdən sonra istirahətə buraxılan komanda bir araya gəlib. "Bakı” klubunun təlim-məşq bazasındakı məşq fiziki hazırlıqla başlayıb. Ardınca futbolçular toplu çalışmaları yerinə yetiriblər.
Qeyd edək ki, avqustun 12-də keçiriləcək "Qəbələ” – "Səbail” matçı saat 19:00-da başlayacaq. Oyun Qəbələ şəhər stadionunda keçiriləcək.
