"Neftçi” Topaz Premyer Liqasının 7-ci turunda qarşılaşacağı "Sabah”la oyunun hazırlığını davam etdirir.
Sportnet.az xəbər verir ki, komanda bu gün də "Türk Hava Yolları Futbol Mərkəzi”ndə səhər məşqinə çıxıb.
Məşqdə zədəli Ruslan Abışov və üzrlü səbəbdən komandanın düşərgəsindən ayrılan Kvame Karikari iştirak etməyiblər. Hazırlıq sabah da bir məşqlə davam edəcək.
Qeyd edək ki, oktyabrın 5-də "Bakcell Arena”da baş tutacaq "Neftçi” – "Sabah” oyunu saat 20:15-də start götürəcək.
