Türkiyənin Antalya bölgəsində təlim-məşq toplanışında olan "Qarabağ" ilk yoxlama oyununu keçirib.
Sportnet.az xəbər verir ki, Qurban Qurbanovun baş məşqçi olduğu kollektiv Macarıstan "Uypeşt"i ilə üz-üzə gəlib. Belek qəsəbəsindəki "Gloria Sports Arena"da baş tutmuş qarşılaşma Ağdam təmsilçisinin 0:1 hesablı məğlubiyyəti ilə yekunlaşıb.
Qeyd edək ki, bu gün digər üç yoxlama oyununda "Səbail" Macarıstan "Aqvital"ını 3:2 hesabı ilə üstələyib, "Sumqayıt" Qazaxıstanın "Jetısu" kollektivi ilə heç-heçə edib - 1:1. "Qəbələ" isə Türkiyədəki ilk yoxlama oyununda Almaniyanın "Meppen" klubuna uduzub - 1:2.
--------------------
Bu gün "Qarabağ" komandası Türkiyənin Antalyada bölgəsindəki təlim-məşq toplanışı çərçivəsində ilk yoxlama oyununu keçirəcək.
Sportnet.az-ın məlumatına görə, rəqib Macarıstan "Uypeşt"i olacaq. Belek qəsəbəsindəki "Gloria Sports Arena"da təşkil olunacaq qarşılaşma Bakı vaxtı ilə saat 18:00-da başlanacaq.
"Uypeşt" bu mövsüm Avropa Liqasının I təsnifat mərhələsində "Neftçi"ni iki oyunun yekununda mübarizədən kənarlaşdırıb - 1:3, 4:0. Budapeşt təmsilçisi Macarıstan Liqasında 18 turdan sonra 28 xalla 5-ci pillədə qərarlaşıb.
Qeyd edək ki, "Qarabağ" ilk yoxlama matçını yanvarın 12-də Rumıniyanın "Botoşani" komandasına qarşı keçirməli idi. Lakin həmin oyun əlverişsiz hava şəraiti üzündən ləğv olunub. Digər tərəfdən, əslində Ağdam təmsilçisi bu gün Özbəkistan "Paxtakor"una rəqib olmalı idi. Lakin "Paxtakor"un Antalya toplanışı ləğv olunduğu üçün rəqib qismində "Uypeşt" seçilib.
Yoxlama oyunu
18:00. "Qarabağ" - "Uypeşt" (Macarıstan) - 0:1
Belek, "Gloria Sports Arena
İlk hissədə meydana çıxanlar: 12. Şahruddin Məhəmmədəliyev, 2. Qara Qarayev, 5. Maksim Medvedev, 8. Miçel Madeyra, 10. Dani Kintana, 11. Mahir Mədətov, 14. Rəşad Sadıqov (k), 17. Abdulla Zubir. 20. Riçard Almeyda, 55. Bədavi Hüseynov, 77. Donald Gerrye
İkinci hissədə meydana çıxanlar: 13. Vaqner da Silva, 4. Rahil Məmmədov, 6. Simeon Slavçev, 9. Araz Abdullayev, 18. İsmayıl İbrahimli, 19. Filip Ozobiç, 25. Ansi Aqolli, 30. Abbas Hüseynov, 52. Yakub Jezniçak, 70. Nicat Süleymanov, 88. Rafael Məhərrəmli
