"Mənim üçün qol vurmağa davam etmək çox önəmlidir, bu məni xoşbəxt edir".
Sportnet.az xəbər verir ki, bunu "Səbail"in futbolçusu Ağabala Ramazanov Azərbaycan Premyer Liqasının XVI turunda evdə "Zirə" ilə keçirəcəkləri matç barədə danışarkən deyib.
Klubun mətbuat xidmətinə açıqlama verən 26 yaşlı hücumçu komandanın uğurunun daha vacib olduğunu vurğulayıb: "Qarşıda bizi "Zirə"yə qarşı vacib oyun gözləyir. İstəyimiz yalnız davamlı olaraq qalib gəlməkdir".
Qeyd edək ki, "Səbail" - "Zirə" matçı fevralın 10-da saat 16:30-da başlayacaq.
